കയ്പമംഗലത്ത് പടക്കം പൊട്ടിച്ചതിനെ തുടർന്നുണ്ടായ അക്രമ സംഭവത്തിൽ രണ്ട് പേർ അറസ്റ്റിൽ.

കയ്പമംഗലത്ത് പടക്കം പൊട്ടിച്ചതിനെ തുടർന്നുണ്ടായ അക്രമ സംഭവത്തിൽ രണ്ട് പേർ അറസ്റ്റിൽ.
കയ്പമംഗലം പുന്നക്കച്ചാൽ സ്വദേശി മടത്തിങ്കൽ വീട്ടിൽ ലാലു (53), കൈതവളപ്പിൽ
അക്ഷയ് (20) എന്നിവരെയാണ് കയ്പമംഗലം പോലീസ് അറസ്റ്റ് ചെയ്തത്.
വിഷു തലേന്ന് രാത്രി 10 മണിയോടെയാണ് കേസിനാസ്പദമായ സംഭവം നടന്നത്. അക്ഷയും സുഹൃത്ത് ആദിത്യനും ബീച്ചിന് സമീപത്തെ പറമ്പിൽ പടക്കം പൊട്ടിച്ചതിന്റെ വിരോധത്താൽ ലാലു അക്ഷയിനെയും, ആദിത്യനെയും മർദ്ദിക്കുകയും, തുടർന്ന് ലാലു കത്തിയെടുത്ത് വീശിയതിൽ അക്ഷയുടെ ഷോൾഡറിനും ആദിത്യൻെറ കഴുത്തിന്റെ ഭാഗത്ത് ഗുരുതര പരിക്കേൽപ്പിക്കുകയും ചെയ്ത കേസിലാണ് ലാലുവിനെ അറസ്റ്റ് ചെയ്തത്.
ലാലുവിന്റെ വീട്ടിലേക്ക് പടക്കം കത്തിച്ച് എറിഞ്ഞ് പൊട്ടിച്ചത് ചോദ്യം ചെയ്ത ലാലുവിനെയും, ഭാര്യയെയും മർദ്ദിച്ച സംഭവത്തിനാണ് അക്ഷയിനെ അറസ്റ്റ് ചെയ്തത്.
കയ്പമംഗലം പോലീസ് സ്റ്റേഷൻ ഇൻസ്പെക്ടർ കെ.ആർ.ബിജു, സബ്ബ് ഇൻസ്പെക്ടർമാരായ അഭിലാഷ്, ജൈസൺ, മുഹമ്മദ് സിയാദ്, സീനിയർ സിവിൽ പോലീസ് ഓഫിസർ അൻവറുദ്ദീൻ, സിവിൽ പോലീസ് ഓഫിസർമാരായ സൂരജ്, ശ്യാംകുമാർ, ഗില്‍ബട്ട് ജേക്കബ് എന്നിവരാണ് പ്രതികളെ പിടികൂടിയത്.