ശിവസഹസ്രനാമജപം പത്താം വർഷവും സംഘടിപ്പിച്ചു

. കൊടുങ്ങല്ലൂർ: കേരള ക്ഷേത്രസംരക്ഷണ സമിതി കഴിഞ്ഞ 9 വർഷമായി നടത്തിവന്നിരുന്ന ശിവസഹസ്രനാമജപമഹാ യജ്ഞം ഈ വർഷം കൊടുങ്ങല്ലൂർ പടിഞ്ഞാറെ നടയിലെ പണിക്കേഴ്സ് ഹാളിൽ നടന്നു. അമ്മമാർക്കു വേണ്ടി സംഘടിപ്പിച്ച ഈ കർമ്മത്തിന് ബ്രഹ്മശ്രീ. പ്രസന്നൻ അടികൾ കാർമ്മികത്വം വഹിച്ചു. ഈ യജ്ഞത്തിൽ പങ്കെടുക്കാൻ പേര് കൊടുത്തിട്ടുള്ള അമ്മമാരുടേയും കുടുംബാംഗങ്ങളുടേയും പേരിൽ അതിരാവിലെ യജ്ഞ മണ്ഡപത്തിൽ ഗണപതി ഹോമവും മൃത്യുജ്ജ് ഹോമവും നടത്തി. രാവിലെ കൊടുങ്ങല്ലൂർ ഭഗവതി ക്ഷേത്രത്തിൽ മഹാ സാമൂഹ്യ ആരാധനയോടെ യാജ്ഞത്തിന് തുടക്കമായി . ജപ യജ്ഞത്തിൽ അഷ്ടപദി ആലാപനത്തിനു ശേഷം നാമജപത്തിൻ്റെ പ്രാധാന്യത്തെ കുറിച്ച് സമിതി സംസ്ഥാന ഉപാധ്യക്ഷൻ ശ്രി. കെ. നാരായണൻ കുട്ടി (മലപ്പുറം) പ്രഭാഷണം നടത്തി ക്ഷേത്രാചാരങ്ങളും അനുഷ്ഠാനുങ്ങളും നമ്മുടെ നിത്യജീവി തത്തെ ശുദ്ധീകരിക്കാൻ സഹായിക്കുന്നു. സനാതന ധർമ്മത്തിലൂന്നിയ ജീവിതചര്യ സന്തോഷം പ്രദാനം ചെയ്യുമെന്നും അദ്ദേഹം പറഞ്ഞു. തുടർന്ന് നടന്ന ശിവസഹസ്രനാമജപത്തിന് സമിതി ജില്ല ട്രഷറർ വെങ്കിടേശ്വര പ്രഭു നേതൃത്വം നൽകി. ശേഷം സിനി ടീച്ചറുടെ നേതൃത്വത്തിൽ മെഡിറ്റേഷൻ നൽകി.പ്രസാദ വിതരണത്തോടും അന്നദാനത്തോടും കൂടി മഹായജ്ഞം സമാപിച്ചു. സമിതി സംസ്ഥാന സത്സംഗ് പ്രമുഖ് സി .എം. ശശീന്ദ്രൻ,സമിതി കൊടുങ്ങല്ലൂർ താലൂക്ക് പ്രസിഡണ്ട് കെ.ആർ.മോഹൻദാസ്, സെക്രട്ടറി സി. പരമേശ്വരൻ, ഇരിങ്ങാല ക്കുട ജില്ലാ സെക്രട്ടറി ഗോപി, ജോയിൻ്റ് സെക്രട്ടറി ദിലീപ് ,സരിത പ്രദീപ്എന്നിവർ നേതൃത്വം നൽകി.