അഴീക്കോട് മുനക്കൽ മുസരീസ് ഡോൾഫിൻ ബീച്ച് ഫെസ്റ്റ് മൂന്നാം ദിനത്തിൽ കൈപ്പമംഗലം നിയോജക മണ്ഡലത്തിൽ തെരഞ്ഞെടുക്കപ്പെട്ട 171 ജനപ്രതിനിധികൾക്ക് നൽകിയ സ്വീകരണം എം എൽ എ ഇ ടി ടൈസൺ മാസ്റ്റർ ഉദ്ഘാടനം ചെയ്തു.പ്രോഗ്രാം കമ്മറ്റി ചെയർമാൻ എം എസ് മോഹനൻ അധ്യക്ഷത വഹിച്ചു.എം ഇ എസ് കോളേജ് വൈസ് പ്രിൻസിപ്പാൾ സനത് സദാനന്ദ് സംഘാടക സമിതി ജനറൽ കൺവീനർ കെ പി രാജൻ,നജ്മൽ ഷക്കീർ,എൻ സി പ്രശാന്ത്,പി എ കരുണാകരൻ തുടങ്ങിയവർ സംസാരിച്ചു. തുടർന്ന് പെരിഞ്ഞനം നക്ഷത്ര അവതരിപ്പിച്ച കൈകൊട്ടി കളിയും വേദിയിൽ അരങ്ങേറി. േരണ്ടാം വേദിയായ മുചിരിയിൽ നാട്യ നടനം കലാമണ്ഡലം പ്രൊഫ.ഡോ.ആർ എൽ വി രാമകൃഷ്ണൻ ഉൽഘാടനം ചെയ്തു.സിനിമ സംവിധായകൻ കമൽ അധ്യക്ഷത വഹിച്ചു. പ്രശ്സ്ത മോഹിനിയാട്ടം നർത്തകിയും ഗിന്നസ് റെക്കോഡ് ജേതാവുമായ ധനുഷ സന്യാളി നെ വേദിയിൽ ആദരിച്ചു. സംഘാടക സമിതി ചെയർമാൻ ഇ ടി ടൈസൺ മാസ്റ്റർ എം എൽ എ, കെ പി രാജൻ, എം എസ് മോഹനൻ, ബ്ലോക്ക് പഞ്ചായത്ത് അംഗം എ പി സ്നേഹലത, എൻ സി പ്രശാന്ത്,മുചിരി ഭാരവാഹികളായ ദ്രുവൻ രവീന്ദ്രൻ,ഡാവിഞ്ചി സുരേഷ് തുടങ്ങിയവർ സംസാരിച്ചു.
