ടികെ രാജു പെരിഞ്ഞം ഗ്രാമപഞ്ചായത്ത് പ്രസിഡണ്ട്

സിപിഎമ്മിലെ ടികെ രാജു പെരിഞ്ഞം ഗ്രാമപഞ്ചായത്ത് പ്രസിഡണ്ട് ആയി തിരഞ്ഞെടുക്കപ്പെട്ടു. 16 അംഗ ഭരണസമിതിയിൽ എൻഡിഎ അംഗങ്ങളായ രണ്ട് പേരും യുഡിഎഫ് അംഗമായ ഒരാളും പ്രസിഡൻ്റ്റ് തിരഞ്ഞെടുപ്പ് നടപടികളിൽ നിന്നും വിട്ടു നിന്നു. തുടർന്ന് നടന്ന യോഗത്തിൽ പഞ്ചായത്തംഗം സായിദ മുത്തുക്കോയ തങ്ങൾ ആണ് പ്രസിഡണ്ട് സ്ഥാനത്തേക്ക് ടികെ രാജുവിൻ്റെ പേര് നിർദേശിച്ചത്. എതിർ സ്ഥാനാർഥി ഇല്ലാത്തതിനാൽ വരണാധികാരി വിനയം, ടികെ രാജുവിനെ പ്രസിഡൻറായി പ്രഖ്യാപിച്ചു. സിപിഎം കൊടുങ്ങല്ലൂർ ഏരിയ കമ്മിറ്റി അംഗവും കർഷകത്തൊഴിലാളി യൂണിയൻ ഏരിയ സെക്രട്ടറി കൂടിയാണ്. ആദ്യമായാണ് പഞ്ചായത്ത് അംഗമായും പ്രസിഡൻ്റായും തിരഞ്ഞെടുക്കപ്പെടുന്നത്. പതിനഞ്ചാം വാർഡിൽ നിന്നാണ് ടി.കെ. രാജു തിരഞ്ഞെടുക്കപ്പെട്ടത്