കുട്ടികളുടെ കവിതാ സമാഹാരം പ്രകാശനം ചെയ്തു
………….
അക്കാ പുൽക്കോ പബ്ലിക്കേഷൻസ് പ്രസിദ്ധീകരിച്ച,പാലിയം തുരുത്ത് ജി എൽ പി എസ് ലെ മൂന്നാം ക്ലാസ് വിദ്യാർത്ഥികൾ എഴുതിയ 50 കവിതകൾ ഉൾക്കൊള്ളുന്ന “ഈ വല്ലിയിൽ നിന്നു ചെമ്മേ” എന്ന കവിതാ സമാഹാരം ബാലസാഹിത്യകാരൻ സിപ്പി പള്ളിപ്പുറം കവി ബക്കർ മേത്തലക്ക് കൊടുത്തുകൊണ്ട് പ്രകാശനം ചെയ്തു. കൊടുങ്ങല്ലൂർ വിദ്യാഭ്യാസ ഉപജില്ലയിൽ ഇത്തരമൊരു സംരംഭം ആദ്യമാണ്. പി.ടി.എ വൈസ് പ്രസിഡൻ്റ് സി.ബി. സൗമ്യ അധ്യക്ഷത വഹിച്ചു.വാർഡ് കൗൺസിലർ സിനി അനിൽകുമാർ ഉദ്ഘാടനം ചെയ്തു.എം.എസ്.വിനയകുമാർ ,ഒ. എസ് ഷീന , എം സാബിറ,എന്നിവർ ആശംസകൾ നേർന്നു.ഹെഡ്മിസ്ട്രസ് ട്രീസ ബിജി സ്വാഗതവും എഡിറ്റർ പൗർണമി വിനോദ് നന്ദിയും പറഞ്ഞു
