ചെട്ടികുളങ്ങര ദേശക്കാർ കൊടുങ്ങല്ലൂർ ശ്രീകുരുംബഭഗവതി ക്ഷേത്രത്തിൽ ദർശനം നടത്തി……
കൊടുങ്ങല്ലൂർ ശ്രീകുരുംബഭഗവതി ക്ഷേത്രത്തിൽ ചെട്ടികുളങ്ങര ദേവി ക്ഷേത ദേശക്കാർ പരമ്പരാഗതമായി നടത്തി വരാറുള്ള ആചാരനുഷ്ടാനങ്ങളും നടത്തി.രാവിലെ കൊടുങ്ങല്ലൂർ ക്ഷേത്രത്തിൽ എത്തിചേർന്ന 13 കരകളുടെ സംഘടനയായ ശ്രീദേവി വിലാസം ഹിന്ദുമത കൺവൻഷൻ ട്രസ്റ്റ് ഭാരവാഹികൾ, കരനാഥൻമാർ, ദേവസ്വം ഭാരവാഹികൾ, ക്ഷേത്ര പൂജാരിമാർ , ക്ഷേത്ര കാരായ്മ അവകാശികൾ എന്നിവർ ചേർന്ന് കിഴി പണവും, പട്ടുടയാടയും കൊടുങ്ങല്ലുരമ്മയ്ക്ക് സമർപ്പിച്ചു. അതിനു ശേഷം ക്ഷേത്ര അവകാശികളായ കൊടുങ്ങല്ലൂർ തമ്പുരാൻ്റെ പ്രതിനിധി കോയ്മ വാസുദേവന്
ചെട്ടികുളങ്ങര ശ്രീദേവി വിലാസം ഹിന്ദു മത കൺവൻഷൻ ട്രസ്റ്റ് പ്രസിഡന്റ് ബി. ഹരികൃഷ്ണൻ ദക്ഷിണയും, വസ്ത്രവും സെക്രട്ടറി എം.മനോജ് കുമാർ, വൈസ് പ്രസിഡൻ്റ് വി. അനിൽകുമാർ എന്നിവർ കാഴ്ചകുലയും നൽകി. തുടർന്ന് കരക്കാർ കുത്തിയോട്ട പാട്ടുകൾ പാടി. സ്വീകരണത്തിനും,ചടങ്ങുകൾക്ക് ചെട്ടികുളങ്ങര ക്ഷേത്ര അഡ്മിനിസ്ട്രേറ്റീവ് ഓഫീസർ രാജശ്രീ ഗണേഷ്, ക്ഷേത്ര സംബന്ധി ജെ. മധുകുമാർ, കൊടുങ്ങല്ലൂർ ഒന്നു കുറെ ആയിരം പ്രതിനിധി ഗിരീഷ് ഭഗവതി എക്സിക്യൂട്ടീവ് അംഗങ്ങൾ, തിരുവിതാംകൂർ ദേവസ്വം ഭാരവാഹികൾ,കരനാഥൻമാരും നേതൃത്വം നൽകി.
