ചാലക്കുടി പോട്ട ബാങ്ക് കവർച്ചാ കേസിലെ അന്വേഷണ മികവിന് കൊടുങ്ങല്ലൂർ ഡിവൈഎസ്പിയടക്കമുള്ളവർക്ക് സംസ്ഥാന പോലീസ് മേധാവിയുടെ അംഗീകാരം
ചാലക്കുടി : പോട്ട ബാങ്ക് കവർച്ചാ കേസിലെ അന്വേഷണ സംഘത്തിന് പോലീസ് മേധാവിയുടെ അംഗീകാരം.2025 ഫെബ്രുവരി 14 ന് ബാങ്കിലെ ജീവനക്കാരെ ഭീഷണിപ്പെടുത്തി ബന്ദികളാക്കി 15 ലക്ഷം രൂപ കവർച്ച നടത്തിയ കേസിൽ ചാലക്കുടി ആശാരിപ്പാറ സ്വദേശി തെക്കൻ വീട്ടിൽ റിന്റോ എന്നറിയപ്പെടുന്ന റിജോ ആന്റണിയെ പിടികൂടിയ അന്വേഷണ സംഘത്തിനാണ് അംഗീകാരം ലഭിച്ചത്. ജില്ലാ റൂറൽ പോലീസ് മേധാവി ബി. കൃഷ്ണകുമാറിന്റെ നേതൃത്വത്തിലുള്ള പ്രത്യേക അന്വേഷണ സംഘമാണ് മൂന്ന് ദിവസത്തിനകം റിജോ ആന്റണിയെ അറസ്റ്റ് ചെയ്തത്.തുടർന്ന് 58 ദിവസംകൊണ്ട് കുറ്റപത്രം സമർപ്പിച്ചു.കുറ്റമറ്റതും സമയബന്ധിതവുമായ അന്വേഷണത്തിലൂടെ മണിക്കൂറുകൾക്കകം പ്രതിയെ പിടികൂടുകയും കാലതാമസമില്ലാതെ കുറ്റപത്രം സമർപ്പിച്ചതിനുമാണ് ജില്ലാ പോലീസ് മേധാവി, ഡിവൈഎസ്പിമാരായ കെ. സുമേഷ്, വി.കെ. രാജു, ഇൻസ്പെക്ടർമാരായ എം.കെ. സജീവ്, അമൃത് രംഗൻ, പി.കെ. ദാസ്, വി. ബിജു എന്നിവർക്കും സംഘാംഗങ്ങൾക്കുമാണ് അംഗീകാരം ലഭിച്ചത്.
