ഭരണഘടനയുടെ അന്തസത്ത തന്നെ ഇല്ലാതാക്കുന്ന ഭിന്നിപ്പിൻ്റെ രാഷ്ട്രീയം ഭരണാധികാരികൾ മുന്നോട്ട് വെക്കുന്ന കാലത്ത് മതേതര മൂല്യങ്ങൾ ഉയർത്തിപ്പിടിക്കുന്ന വിദ്യാഭ്യാസ സംസ്ക്കാരം മുന്നോട്ട് വെച്ചതാണ് എം.ഇ.എസ് പോലുള്ള സാമൂഹ്യ പ്രസ്ഥാനങ്ങളുടെ പ്രാധാന്യമെന്ന് വി.എം. സുധീരൻ.
എം. ഇ. എസ് സംസ്ഥാന ജനറൽ സെക്രട്ടറിയായി രണ്ടാം വട്ടവും തെരഞ്ഞെടുക്കപ്പെട്ട കെ.കെ.കുഞ്ഞുമൊയ്തിന് ജന്മനാട് നൽകിയ സ്നേഹാദരം പരിപാടി ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. മുഹമ്മദ് അബ്ദുൾറഹ്മാൻ സാഹിബിൻ്റെ പാരമ്പര്യം മാത്രമല്ല, അദ്ദേഹം ഉയർത്തിപ്പിടിച്ച ഉന്നത മൂല്ല്യങ്ങളും സംസ്കാരവും ഉയർത്തിപ്പിടിക്കുന്ന മണ്ണിൽ ജനിച്ചത് കൂടിയാണ് കെ.കെ കുഞ്ഞുമൊയ്തീനെ ആദരണീയനാക്കിയതെന്ന് വി.എം സുധീരൻ പറഞ്ഞു.
മുൻ എം പി ടി. എൻ പ്രതാപൻ,ഗ്രാമപഞ്ചായത്ത് പ്രസിഡൻ്റ് കെ.പി. രാജൻ എന്നിവർ മുഖ്യാതിഥികളായി.സംഘാടക സമിതി ചെയർമാൻ പ്രൊഫ.കെ.എ.സിറാജ് അദ്ധ്യക്ഷത വഹിച്ചു. ഡോക്ടർ സോയ ജോസഫ്,ജില്ലാപഞ്ചായത്ത് അംഗം സുഗതശശിധരൻ, ടി.എം കുഞ്ഞു മൊയ്തീൻ, ടി.എം നാസർ, വി.എം.ഷൈൻ, ഇ.കെ സോമൻ, കെ.എം.അബ്ദുൾ ജമാൽ , നാസർ കറുകപ്പാടത്ത് , പി.ബി മൊയ്തു,പി.കെ മുഹമ്മദ്, പി.എച്ച് നാസർ, പി.കെ.റഷീദ്, ബാബു കറുകപ്പാടത്ത്, ഡോ. കെ.പി.സുമേധൻ,കെ. എ കദിജാബി കെ കെ സുൾഫി, കെ.എം.അബ്ദുൾ കാദർ പ്രസംഗിച്ചു . സ്നേഹാദരത്തിന് നന്ദി പറഞ്ഞ് കെ.കെ കുഞ്ഞുമൊയ്തീൻ മറുപടി പ്രസംഗം നടത്തി.