കൊടുങ്ങല്ലൂരിൽ നിന്നും ശിവരാത്രിയോടനുബന്ധിച്ച് ആലുവ മണപ്പുറത്തേക്ക് സ്പെഷ്യൽ ബസ് സർവീസ് ആരംഭിച്ചു.

കൊടുങ്ങല്ലൂർ നഗരസഭയുടെ സഹകരണത്തോടെ കെഎസ്ആർടിസി ശിവരാത്രിയോടനുബന്ധിച്ച് ആലുവ മണപ്പുറത്തേക്ക് സ്പെഷ്യൽ ബസ് സർവീസ് ആരംഭിച്ചു.
ശ്രീകുരുമ്പ ഭഗവതി ക്ഷേത്രത്തിൻ്റെ തെക്കേ മൈതാനത്ത് നിന്ന് ഇന്ന് ഉച്ച മുതൽ തുടർച്ചയായി ബസ് സർവീസുകൾസജ്ജമാക്കിയിട്ടുണ്ട്.
രാത്രി സമയത്ത് പൂർണ്ണമായും സർവീസുകൾ ഉണ്ടായിരിക്കും.നാളെ രാവിലെ 9 മണി വരെ സർവീസുകൾ ഉണ്ടായിരിക്കുന്നതാണ്.
ബസ് സർവീസ് അഡ്വക്കേറ്റ് വി ആർ സുനിൽകുമാർഫ്ലാഗ് ഓഫ് ചെയ്തു.
നഗരസഭാ ചെയർപേഴ്സൺ ടി കെ ഗീത അധ്യക്ഷത വഹിച്ചു.
നഗരസഭ മുൻ ചെയർമാൻ കെ ആർ ജൈത്രൻ, കൗൺസിലർ ഗീതാ റാണി, എ ടി ഓ ജോയ് മോൻ ടി. ആർ., വി.പി. സുജിത്ത് എന്നിവർ സംസാരിച്ചു