ബസ് യാത്രക്കിടെ യുവതിയെ കയറിപ്പിടിച്ച് അപമാനിച്ച കേസിൽ മുൻ അധ്യാപകനായിരുന്ന പ്രതി റിമാന്റിൽ
തൃശ്ശൂർ കൊടുങ്ങല്ലൂർ റൂട്ടിലോടുന്ന ബസ്സിൻറെ സീറ്റിലിരുന്ന് യാത്ര ചെയ്യുകയായിരുന്ന യുവതിയെ കയറിപ്പിടിച്ച് മാനഹാനി വരുത്തിയ കേസ്സിലെ പ്രതിയായ മേത്തല പറമ്പിക്കുളങ്ങര സ്വദേശി നടുമുറി വീട്ടിൽ 53 വയസ്സുള്ള ജയറാമിനെയാണ് ഇരിങ്ങാലക്കുട പോലീസ് അറസ്റ്റ് ചെയ്തത്.കോടതിയിൽ ഹാജരാക്കിയ ജയറാമിനെ കോടതി റിമാന്റ് ചെയ്തു.06-06-2025 തിയ്യതിയിലായിരുന്നു കേസിനാസ്പദമായ സംഭവം.
ജയറാം കൊടുങ്ങല്ലൂർ പോലീസ് സ്റ്റേഷനിലെ 8 പോക്സോ കേസുകളിലും, ചേർപ്പ് പോലീസ് സ്റ്റേഷനിലെ പൊതു സ്ഥലത്ത് വെച്ച് സ്രീകൾക്ക് നേരെ അതിക്രമം നടത്തിയ ഒരു കേസിലും, ആളൂർ പോലീസ് സ്റ്റേഷനിൽ ലഹരിക്കടിമപ്പെട്ട് പൊതുജനശല്യം ഉണ്ടാക്കിയ ഒരു കേസിലും പ്രതിയാണ്.
ഇരിങ്ങാലക്കുട പോലീസ് സ്റ്റേഷൻ ഇൻസ്പെക്ടർ ഷാജൻ.എം.എസ്, സബ് ഇൻസ്പെക്ടർ പ്രസന്നകുമാർ.കെ.പി, സി പി ഒ മാരായ സുജിത്ത്, ഷാബു എന്നിവർ ചേർന്നാണ് പ്രതിയെ അറസ്റ്റ് ചെയ്തത്
