കർഷക തൊഴിലാളി ഫെഡറേഷൻ (ബി. കെ. എം യു ) കൊടുങ്ങല്ലൂരിൽ ധർണ്ണ നടത്തി.

കർഷക തൊഴിലാളി ഫെഡറേഷൻ (ബി. കെ. എം യു ) കൊടുങ്ങല്ലൂരിൽ ധർണ്ണ നടത്തി.
കർഷക തൊഴിലാളികൾക്ക് അതിവർഷ ആനുകൂല്യങ്ങൾ നൽകാൻ സംസ്ഥാന സർക്കാർ അടിയന്തിര നടപടി സ്വീകരിക്കണമെന്ന് എ.ഐ.ടി.യു.സി സംസ്ഥാന സെക്രട്ടറി കെ.ജി ശിവാനന്ദൻ ആവശ്യപ്പെട്ടു. ബി.കെ.എം.യു ദേശീയ പ്രക്ഷോഭത്തിൻ്റെ ഭാഗമായി മണ്ഡലം കമ്മിറ്റി ബി.എസ് എൻ എൽ ഓഫീസിലേക്ക് നടത്തിയ മാർച്ചും ധർണ്ണയും ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
കർഷക തൊഴിലാളികൾക്ക് സമഗ്രമായ ദേശീയ നിയമം നടപ്പിലാക്കുക, ദൂരഹിതർക്ക് ഭൂമി നൽകുക, ജാതി സെൻസസ് നടപ്പിലാക്കുക, സ്വകാര്യ മേഖലയിൽ എസ് സി /എസ്.ടി/ ഒ.ബി.സി വിഭാഗങ്ങൾക്ക് സംവരണം ഏർപ്പെടുത്തുക, തൊഴിലുറപ്പ് പദ്ധതി തകർക്കാനുള്ള നീക്കത്തിൽ നിന്നും കേന്ദ്ര സർക്കാർ പിൻമാറുക തുടങ്ങിയ ആവശ്യങ്ങൾ ഉന്നയിച്ചു കൊണ്ട് നടത്തിയ സമരത്തിൽ മണ്ഡലം സെക്രട്ടറി സി.എം. ഷീജൻ അദ്ധ്യക്ഷത വഹിച്ചു. സി. സി. വിപിൻ ചന്ദ്രൻ, പി.പി. സുഭാഷ്, ഒ.സി. ജോസഫ്, കെ.എൻ സജീവൻ, ബാബുകളത്തേരി,പി.എ. ജോൺസൺ, റജില ഷിബു, ബി.എ. സുബ്രഹ്മണ്യൻ, കെ.ബി. ബിനോയ് എന്നിവർ സംസാരിച്ചു