വായനദിനത്തിൽ വിദ്യാർഥികൾക്ക് റഫറൻസിനായി പതിനായിരകണക്കിന് രൂപയുടെ പുസ്തകങ്ങൾ ലൈബ്രറിക്കു സംഭവനയായി നൽകി ഡോക്ടർ മാതൃകയായി.
കൊടുങ്ങല്ലൂർ നഗരസഭയിലെ വെറ്റിറനറി പോളി ക്ലിനിക്കിലെ സീനിയർ വെറ്ററിനറി സർജൻ ഡോ : യു. ഗിരീഷ് ആണ് ഇരുന്നൂറോളം റഫറൻസ് പുസ്തകങ്ങൾ നഗര സഭ ഡിജിറ്റൽ ലൈബ്രറിയിലേക്ക് സൗജന്യമായി നൽകിയത്.
നീറ്റു, എയിംസ് , ജിപ്മർ തുടങ്ങിയ എൻട്രൻസ് പരീക്ഷകൾക്ക് റെഫർ ചെയ്യാനുള്ള പുസ്തകങ്ങൾ ആണ് കൂടുതലും. ഡോക്ടറുടെ മക്കൾക്കായി വാങ്ങിയ ഈ ഗ്രന്ഥങ്ങൾ ആവശ്യം കഴിഞ്ഞപ്പോൾ കൈമാറുകയായിരുന്നു.
രണ്ടു മക്കളും ഇപ്പോൾ എഞ്ചിനീയറിംഗ് കോഴ്സു പൂർത്തിയാകികൊണ്ടിരിക്കുകയാണ്.
പുസ്തകങ്ങൾ പണം കൊടുത്തു വാങ്ങാൻ കഴിയാത്ത പാവപ്പെട്ട കുട്ടികൾക്ക് ഉപകാരപ്പെടട്ടെയെന്നു ഡോ ഗിരീഷ് പറഞ്ഞു.
നഗരസഭ മുൻ ചെയർമാനും കൗൺസിലരുമായ കെ ആർ ജൈത്രനും ലൈബ്രറിയൻ സ്വപ്നയും ചേർന്ന് പുസ്തകം ഏറ്റുവാങ്ങി.
നഗര സഭ ലൈബ്രറിയിൽ ഒരു പ്രവേശന പരീക്ഷ റഫറൻസ് വിഭാഗം ആരംഭിക്കാൻ ഇത് പ്രയോജനപ്പെടുമെന്ന് കെ ആർ ജൈത്രൻ പറഞ്ഞു.
